|
Rilato inter Medicino kaj Meditado
De Osho
La vorto medito kaj la vorto medicino
devenas de la sama radiko. Medicino signifas tion kio fizike
kuracas kaj medito signifas tion kio spirite kuracas. Ambaŭ
estas kuracaj povoj.
Alia punkto devas esti memorigita: la vorto
´healing´ (kuraco) kaj la vorto ´whole´ (tuto, kompleta) ankaŭ
devenas de la sama radiko. Esti kuracita signifas esti kompleta,
tiel ke nenio mankas. La vorto ´holy´ (sankta) ankaŭ devenas de
la sama radiko. Healing, whole, holy ne estas malsimilaj
je siaj radikoj.
Meditado kuracas, igas vin kompleta, kaj
esti kompleta igas vin sankta.
Sankteco neniel rilatas al religia aliĝado,
aparteno al ia eklezio. Signifas ke interne vi estas kompleta;
nenio mankas, vi estas plenigita. Vi estas tio kion la ekzisto
volas fari el vi. Vi realigis vian potencon.
Religio estas irado internen, kaj la medito
estas la vojo. Meditado portas vin tiel profunden kiel eble. Eĉ
via korpo fariĝas io ekstera. Eĉ via menso fariĝas io ekstera.
Eĉ via propra koro – kiu estas la plej proksima de via centro –
fariĝas io ekstera. Kiam ĉiuj tri - viaj korpo, menso kaj
koro - estas vidataj kiel eksteraĵoj, vi alvenis al la vera
centro de via ekzisto.
Tiu alveno al la centro reprezentas
grandegan eksplodon kiu ĉion ŝanĝas. Vi ne plu estos la sama
homo denove, ĉar nun vi scias ke via korpo estas nur ekstera
konko; la menso estas iom pli interna, sed ja ne estas via
interna nukleo. Vi malidentigis vin rilate ĉiujn tri.
Vi komencas unuafoje senti vin
kristaligita...ne plu la malnova persono sengusta kiu vi ĉiam
estis. Vi eksentas grandegan energion, ian neelĉerpeblan
energion, pri kiu vi neniam estis konscia. Unuafoje, vi certas
ke morto okazos al korpo, menso kaj koro, sed ne al vi mem.
Vi estas eterna. Vi ĉiam estis ĉi tie kaj
ĉiam estos – sub malsimilaj formoj, kaj, fine, sub stato
senforma. Vi ne povas esti detruita; vi estas netruebla. Tio
forigas ĉiun timon el vi. Kaj la malapero de timo estas la apero
de libereco. La malpero de timo estas la apero de amo. Nun vi
povas kundividi. Vi povas doni tiom kiom vi volas, ĉar nun vi
estas ene de la nesekeblaj akvoj de la vivo...
Osho (1931-1990).
Pseŭdonomo de hindia klerulo kaj mistikulo,
kiu disde Usono forte influis la tutmondan gejunularon dum la
1970-aj kaj 1980-aj jaroj. Li ambiciis interligi la orientan kaj
la okcidentan tradiciojn pri meditado kaj interna mistika
sperto.
Legu pri Osho ĉe la
oficiala paĝaro de liaj sekvantoj
http://www.osho.com/
|
